الجمعة، 17 أغسطس، 2012

حلوة كورني



حلوة كورني باللوز


300غ دقيق الحلويات

100غ الزبدة مدوبة
قبيصة الملح
ملعقة كبيرة سكر كلاصي
2 ملاعق كبار بودرة الشكلاط
نصف كاس ماء الزهر
الماء بارد للعجن


حشوة اللوز:

250غ لوز مصلوق و مطحون مع
100غ سكر سنيدة
قشرة حامضة محكوكة
1 بيضة كاملة
نصف كاس ماء الزهر

الطريقة:

نغربل الدقيق و الشكلاط غبرة و السكر كلاصي في القصعة و نزيد المليحة و الزبدة مدوبة.نخلط حتى يترمل الخليط مزيان عاد نضيف الماء الزهر و الماء.نجمع العجينة و لازم تكون قاصحة شوية.ندلكها مزيان حتى ترخف.نكورها و نغيطيها ببلاستيك غدائي و نخليها في الثلاجة ترتاح على الأقل نصف ساعة.

حلوة كورني باللوز 

في الوقت اللي العجينة كترتاح ,نحضر خليط اللوز.نطحن اللوز مع السكر و نضيف ليه القشرة الحامض (أو الفاني أو قشرة الليمون أو المسكة الحرة...حسب الرغبة والدوق) البيضة و الماء الزهر.نخلط مزيان و نخليه يرتاح شوية.

نطلق العجينة رقيقة بالمدلك أو بآلة سباكيتي.نقطع بمرشم مدور و من الأحسن يكون مشنف.نلويها و نشكلها بحال كورنيو نضغط مزيان باش تلصق و ما تتحل في الفران.

حلوة كورني باللوز



ناخد كيس حلواني فيه دواز مشنف .نملأه بالخليط اللوز و نبدا نعمر الكورني بحال هكدا

حلوة كورني باللوز


نستف الحلوة فوق لاطة ملبسة بالسولفيريزي.ندهن بأبيض البيض و نزوقها بالعقيق الفضي أو الملون.


حلوة كورني باللوز

ندخلها لفرن متوسط الحرارة لمدة 15 حتى 20 دقيقة.لازم اللوز يبقى في لونه و ما يتحمرش بزاف.

هدا شكلها ملي خرجتها من الفرن


حلوة كورني باللوز 

ممكن تغطسيها في العسل أو تدهنيها بالنباج .

بالنسبة ليا كنفضل نخليها طبيعية لأني كنحتفظ بيها في الكونجلاتور .ملي كنبغيها عاد كنسخنها في الفرن و نعسلها أو ندهنها بالناباج و نعملها في الكويغطات .


ليست هناك تعليقات:

إرسال تعليق