طريقة تحضير الخبز الباريسي(كومير) بالخطوات المصورة

الكومير الصغير بحال ديال الزنقة بالصور

 

مقاديرالكومير الصغير بالصور

1 كيلوغرام طحين ممتاز   

4 معالق كبار ميزينا كنخلطها مع الطحين 

ملح حسب الذوق 
 

1 ملعقة كبيرة عامرة سكر  

60 غ خميرة د الخبز 

طريقة تحضير الكومير الصغير بالصور 

كنعمل الخميرة مع السكر وكاس د الماء وشوية د الطحين نخلطهوم مزيان ونخليهم يخمرو

منين كيخمر الخليط ويتضاعف

كنضيف عليه الطحين لي باقي

 
كنعملو يتعجن ونزيد عليه الماء شوية بشوية حتى نحصل على عجينة مرخوفة مكتلصقش فاليدين ومعجونة مزيان

  
قسمت لعجينة على 12 قطعة كل وحدة فيها تقريبا 130 غ 
عملت منها كويرات

طلقت لعجينة بالمدلك

وكنلويها ونخلي شوية د الفراغ باش متجيشي مدقصة من داخل وكنشد لجناب

كنشرط من الوسط كيف واضح ونخليها تخمر
هنا منين خمرت كنرشها بالماء بالبخاخ مزيان وندخلها للفران مباشرة

  
الفران مسخن من قبل على °200 ووضعت فيه إناء بالماء الغليان 
فنص الطياب كنعاود نرش عليها الماء

 هاهو الكومير الصغير واجد