المسمن مورق مربع وهشيش

المقادير:

نص كيلو فورص+نص كيلو فينو+ملح+قبصة الخميرة+ماء دافي للعجن
للتوراق
زيت+زبدة +وسميدة
الطريقة
كنعجنو العجين مزياان ونخليوه يرتاح شوية وندهنو يدينا بالزيت ونديرو منو كرات متوسطين ونغطيوهم ببلاستيك باش ميديروش لنا قشرة ونخليوهم يرتاحو شويش.ناخد كرة ونسرحها مزيان بلا متقطع ونورقها بالزبدة والسميدة ونطويها على شكل مربع.
نجيب كرة اخرى ونسرحها حتى هي ونورقها بالزبدة والسميدة ونحط وسطها المربع الاول ونسد (انا كنستعمل الزبدة فقط في التوراق)ونبقاو بحال هكا حتى نتاهيو من الكرات
كنسخنو المقلة ونبسطو اول مربع وندهنو مقلة بزبدة ونحطو المسمنة ونقلبوها ديك الساعة على الوجه الثاني ونخليو حتى تحمر ونقلبوها للوجه الثاني حتى يتحمر حتى هو وهكذا بالنسبة للمربعات حتى نساليو وبالهنا والشفا