الدجاج محمر بالاناناس واللحم كذلك بالأناناس بطريقه رائعه وبسيطه



من الأخت فضيلة البوصيري

أول حاجة غدي نحتاجو وحد الشرمولا لدجاج جد بسيطه

3ديال الدجاجات كل وحدا فيها 2كيلو ونص

ملعقه من الخرقوم صغيره ملعقه من سكينجبير نص معلقا من الملحة وغدي نحتاجو التوابل الاربعه ئنا دائما طاحناهوم وموجداهوم كيكونو عندي معا العطريا

لي هما قعقلا بسيبيسا نويويرا الكوزا الصحراويا فقط هدي توابل مغربيه للاشاره
كنضيفو لهد العطريا عويدات من القرفا ونزيدو كاس ونص من الماء للعطريا المدكوره هيا لي غدي نشرملو في ها الدجاج

ههيا منين خلطتها




ودبا ندوزو لدجاج رني غسلتو بالحامظ وسكينجبير وشللتو مزيان وربطتو مزيان وعاد درتو في الشرمولا وخليتو فيها 5ساعات


كنشلظ وحد البصلا تكون كبيرا ونديرها من فوق الدجاج معا ئظافت نص كاس زيت الزيتون وملعقه من السمن البلدي




كنخلي الدجاج ئطيب علا نار هادءه جدا بلا من ضيفو الماء وكنبداو النقلبوه من كل جيها كنحسو بيها طبت

منبعد كنحيدو ونخليه ينشف مزيان وعاد كنحمرو في الفرن مدهون بسمن ئو الزبدا حسب الرغبا





أما هديك الدغميرا ليبقات لينا غدي النزيدو فيها لكبيدا كنكونو مشحرينها ونخليو الدغميرا توقف مزيان حتا التولي حمرا وليدام كنشوفوه من لفوق باين


دبا كندوزو للاناناس كنديروه يرطاب فيششويا من الماء معا ئظافت عويدات من القرفاومعلقه من الزبدا ومعلقا من الزهر وتخليه يتعسل غير في لحلاوه الديالو هد الاناناس لميبس مكيدارليهش السكار ئما الديال العلب فضيفولو معلقا كبيرا من سنيدا


وكنقدموه بصحا وراحا


وهدا طبق لحم بالاناناس حتا هوا رني درتليه نفس الطريقه ديال طياب الدجاج ومنقولكومش جا رائع




بصحا وراحا نتمنا نكون وضحت وفسرت مزيان يارب تحياتي للجميع


تعليقات

المشاركات الشائعة