الاثنين، 25 مارس، 2013

‎طاجين دجاج بخيزو والزبيب معسلين




المقادير :



قطع دجاج حسب الأشخاص _ نصف كاس زيت مخلط بلدي ورومي _ 2بصلات مشلظين _ ملح _ سكين جبير _ خرقوم _ قليل من الملون _ إبزار _ ملعقة صغيرة غير ممتلئة سمن مملح (سمن حار ) _ قرفة . العطرية ملعقة صغيرة تقريبا من كل حاجة .


الطريقة :


ندير الدجاج في الطاجين ونخلط معاه البصلة والعطرية وندير الزيت ونشعل النار ونخليه يتشحر من بعد نضيف نصف كاس ماء ونخليه يطيب على خاطرو على نار مهييييلة وفي الأخير نضيف ملعقة عسل أو رشة خفيفة سكرو نخليه شوية ونزولو .









والزبيب نديرو في مقلة ونزيد علية كاس ماء -ملعقة صغيرة قرفة - معالق كبارسكر -ملعقة كبيرة ماء زهر ونصف ملعقة كبيرة زبدة ونخليه يطيب على المهل حتى ينشف ويتعسل

ها الزبيب مع مقاديرو



وهاهو تعسل





في الوقت اللي كان الطاجين يطيب نوجد خيزو نجرو ونقطعو أنا قطعتو دوائر لأنو صغير وفتي والى كان شارف هههه قطعوه أصابع أو على الطول وزولو ليه القلب ويتقطع نصف دوائر ندير معاه كاس ماء و قبصة ملح ونسلقو ويمكن ليكم تبخروه وملي يتسلق نزول الماء نخلي غير شي ملعقة ماء ونضيف ملعقة كبيرة ماء زهر و 2معالق صغار قرفة و ملعقة كبيرة تقريبا زبدة وسكر تقريبا 4 معالق كبار ونديرو فوق النار يتعسل و ينشف .


هذا خيزو مسلوق وزدت عليه المقادير ديالو باش يتعسل .




وهاهو تعسل





 .يكون الطاجين طاب نحط من الفوق خيزو ونزوق بالزبيب و يارب يعجبكم وتجربوه .


وهاهو وجد وبالصحة والراحة ولا تنسوني من صالح دعائكم





ليست هناك تعليقات:

إرسال تعليق