السبت، 16 مارس 2013

الدجاج بالبطاطا ديال العش



المقادير و الطريقة من الاخت المغرب وطني جزاها الله عنا كل خير



اولا غسلت الدجاجة مزيان وسقطرتها وعملت شرمولة بيتها فيها 
ابزار سكنجبير توم ملح خرقوم بلدي زيت بلدية شرملتها بيها وغطيتها ودخلتها للتلاجة حتى للصبح 
فالغد قطعت البصلة مزيان +الربيع +التوم +العطرية اللي دكرت سابقا هادشي اللي كنعمل +2عويدات قرفة وضعت الدجاجة فوق هاد الشرمولة وخليتها تتقلى شوية مع التحراك مرة مرة غير شفتها تشحرات خويت عليها الماء سخون وتركتها طيب على نار مهيلة بلا منسد عليها وضعت الغطاء غير من الفوق غير قربت طيب عملت ضامة البنة ديال الزعفران +شوية سمينة 

 مع إضافة الحامض مرقد والزيتون (هنا لم أستعمله لم يكن متوفر)




ووجدت البطاطا ديال العش اللي عزيزة عندي خديتها من عند الواليدة ودغيا كتوجد  
حكيت البطاطا بالحكاكة الغليضة +ملح ابزار وبيضة خلطتها وبديت نهزها عشوائيا ونوضعها فوق زيت سخونة 


و بالصحة و الراحة

ليست هناك تعليقات:

إرسال تعليق