الجمعة، 29 مارس، 2013

كيكة بكريمة الحامض






مكونات و طريقة تحضير كيكة بكريمة الحامض بالخطوات المصورة

الجينواز
4 بيض
100g سكر
لفاني
100g دقيق
نصف م ص خمارة الحلوى

كريمة الحامض

100 سكر غ
عصير 2 حامضات
2 بيض
50g زبدة
قشور الحامض

للتزيين
كريم شانتيي
فرميسيل الشكلاط
كاكاو
فواكه معلبة


طريقة تحضير كيكة بكريمة الحامض بالخطوات المصورة

كنلبسو المول ديالنا كله بورق الطبخ

نخفق البيض مع السكر حتى يصبح لونه ابيض تقريبا 10د حتى 15د

نضيف الدقيق،خمارة الحلوى والكل مغربل و نحرك بسباتول وغير بشوي
كنصبو الخليط ديالنا في المول وحنا كنعليو يدينا باش ندخلو كمية كبيرة من الهواء وندقو المول واحد 2 مرات


وندخلوه للفرن مسخن من قبل على درجة 180د مدة تقريبا 1/2 ساعة(وكل وحدة وفرانها هههه)

منين طيب نطفيو الفران ونخليوها فيه مدة 5د ونخليو الباب مفتوح شوي

وهاهي واجدة

ندوزو لتحضير الكريما:كنوضعو المقادير كلها في كسرونة



ونوضعوها فوق العافية حتى تتقال وحنا كنحركو


من بعد نصفيوها ونغطيوها ببلاستيك ونخليوها حتى تبرد



كنقسمو الكيك ديالنا على 3 حصص 


كنوضعو الطبقة الاولى ونسقيوها بالسيرو ونوضعو طبقة من الكريم شانتيي+الفواكه



ثم الطبقة الثانية بنفس الطريقة 

من بعد كنغطيو الحلوى ديالنا بالكريم شانتيي وفي الجناب نوضعو فيرمسيل الشكلاط


كندخلوها الثلاجة مدة 1 ساعة على الاقل

كنخرجو الحلوى ديالنا ،كنزولو واحد 2 م ك من الكريما ونضيفولها الكاكاو وكنوضعوها في جيب الحلواني



والباقي كنوضعوه من فوق الحلوى



كنزينو بالكريمة البنية على شكل دوائر ونديرولها بحال تزيين الميل فوي
وهاهي واجدة نتمنى تعجبكوم وتجربوها
بالصحة والراحة



ليست هناك تعليقات:

إرسال تعليق