الفلفه ألوان معمره بطريقة رشيده أمهاوش

نحتاجو لمقدار من الفلفله الملونه و الحشوة عباره عن :

زلافه ديال النجيمات مسلوقة و مصفيه (الوصفه فكتاب رشيده أمهاوش استعملت فيها لسان الطير )

 المهم اي نوع من المعجنات يكون حجم صغيور
حتى المحمصه تنفع هنا
تقريبا زلافة متوسطه مورتديلا محكوكه / المعدنوس مقطع/ 3 معالق كبار فرماج محكوك/
و صلصة الطماطم تقريبا زلافة متوسطه (حضرتها ب 5 حبات طماطم مقطعه بدون زريعه +

3 ضروس ثوم+ 5 معالق كبيرة زيت زيتون
+ اوراق سيدنا موسى+ ملح ابزار +المعدنوس في الأخير
كنحطو كلشي فطنجرة على نار هادئه حتى تخثر الصلصه

كنخلطو هاد المقادير كامله و نزيدو الملح و الابزار

نفرقو الفلفله من النصف و نعمروها بالحشوه و نرشو الوجه بالجبن محكوك

و دخلتهم فمره للفرن 
تقريبا 40 دقيقه المهم حتى نحسو بالفلفه ولات طريه

طريقة أخرى

نصلق الروز ونجدو لاصوص
نحكو مطيشة ونضيف ليها/ ملح /ابزار/ شوية كنور/ مطيشة الحك(طماطم مصبرة)/ قزبور معدنوس
نخلط روز مع لاصوص + زيتون مقطع + فرماج حمر محكوك
نسلت الفلفلة نقطعها على نصفين ونعمروها بالحشوة ندردرو عليها الفرماج وندخلها الفرن
نخليكم مع الصور

هاهوما مني خرجو من الفران