الثلاثاء، 23 أبريل، 2013

اكلة بنينة





هاذ الأكلة يا سيداتي عرفتو شكون  حضرها  ؟ زوج أم علوش حيت  كانت  مريضة.شفتو معندها متسالو  ههههه

نخليكم  مع  أم علوش
ليوم بما اني مريضة بالبرد ماشكيت عليكم 
راجلي لهلا يخطيه عليا خدا نص نهار من الخدمة وجى دار لنا الغداء اقسم بالله الا روعة وعلى ضمانتي جربوه والله ماتندمو 
نبداو على بركة الله 

المقادير 
الحوت فيلي المهم يكون ابيض 
Purée de pommes de terre بصلة الربيع البروكولي الجزر الثومة 
العطرية 
نحتاجو لبهارات خاصة ديال الحوت (او ممكن تديرولو التشرميلة العادية ديال الحوت )
الملحة سكنجبير التحميرة الزعفران
الفرماج محكوك 

ندوزو للطريقة 
وكلشي موضح بالصور 
قطع البصلة والربيع والتومة فالزيت حتى تقلاو مزيان والبصلة دبالت 
وزاد عليهم الجزر والبروكولي 



وهنا بدا يخلطهم مع بعضياتهم حتى تجانسو مزيان بلا مايدير العطرية باش متحرقش 


هادا الحوت قطعو وشرملو بالبهارات ديال الحوت الزعفران والتومة والربيع وخلاه شي نص ساعة باش تدخلو شرمولة مزياان



ومن بعد فالاخر زاد سكنجبير الملحة تحميرة للبركولي والجزر والبصل الي قلاهم فالاول وزاد عليهم الحوت 


وهنا فاش طاب الحوت 



وهادي بطاطا puree تقدرو ديروها فدار تسلقو البطاطا وديروها هاكة غي انا كنشريها جاهزة 
وهادي الصلصة ديال الباسطا كتباع في العلب كاينة فمرجان وبالنسبة الي خارج المغرب كاينة فالاسواق مكتبوب فيها صلصة لبيتزا او الباسطا او المكرونة 



وهادي الصلصة ديال الباسطا 



وهنا خلطهم مع الحوت والخضرة 



وهنا بدا حط البطاطا الاولى 



ومن بعد الحشوة ديال الحوت والخضرة 



وزادلها هاد الفرماج سميتو vieux fromage كيجي غزال فرماج هولندي قديم اكتر من 48 سنة 
الا مكانش كاين ممكن نديرو اي فرماج المهم يكون الفرماج الاصفر 



او هاد الفرماج الاصفر



وهنا قبل مايدخلو الفرن


وهادا الشكل النهائي 




اللهم ادمها نعمة واحفضها من الزوال 
دعواتكم البنات 
ربي يخليلي اهلي وراجلي الغالي وولدي ويخليني لهم 
امانة عليكم

ليست هناك تعليقات:

إرسال تعليق