الأربعاء، 24 أبريل 2013

وصفة مبتكرة أحلى طاجين سمك بالقوق





المقادير


كيلو فيلي سمك أبيض مثل (كابيو)

نصف كيلو جزر، ونصف كيلو بطاطا
فلفلة خضراء وفلفلة حمراء
٢بصلات متوسطين ، وأعواد القزبور
ثلاث حبات طماطم ، وربطة قزبور ومعدنوس
سبع حبات قاع قوق ، نصف كاس عصير الليمون الحامض
حامضة صغيرة مرقدة ، ١٠حبات زيتون أحمر
علبة مركز طماطم صغيرة ، نصف كاس زيت زيتون
مكعب مرق السمك ، وملعقة صغيرة من كل ما يلي:
ملح ، ثوم ، فلفل حلو ، فلفل حار، كامون



الطريقة

نخلط شرمولة ونرقد فيها قطع السمك لمدة ساعة ، فنفس الوقت نحضر الخضر ونقطعها ثم نشرع فتحضير الطاجين




نفرغ قليل من الزيت فالطاجين ونفرش أعواد القزبور



نقطع البصلة دوائر والحامض مرقد ونحطهم فوق أعواد القزبور، وهذا هو سر لذة هذالطاجين



ثم نضيف فرشة ديال الجزر مقطع بالطول


وفرشة ديال البطاطا بالعرض





من بعد نرص قطع السمك ونحتفظ بالباقي ديال شرمولة




الطبقة التالية غتكون الفلفلة خيوط في ديكور متناسق



ثم الطماطم ونفرغ عليها شوية من شرمولة




وفي الأخير القوق مغمس فشرمولة المتبقية ، ثم الزيتون وماتبقى من زيت الزيتون ،وندخله للفرن على درجة حرارة متوسطة لمدة ساعة

ملاحظة:أنا ماكنضيفش الماء تماما ، الخضر والسمكهما اللي كيطلقوا ماؤهم

ليست هناك تعليقات:

إرسال تعليق