الاثنين، 8 أبريل، 2013

سباكيتي بالكفتة





من تحضير منى كلميمة

بسم الله الرحمان الرحيم 
والسلام عليكم ورحمة الله وبركاته
اليوم غنطرح ليكم السباكيتي بالكفتة جد ساهلة وبنينة 

على بركة الله 

يقلى البصل + الزيت + ملح حتى تلين 




يضاف 2 معالق كتشوب اولا مطيشة العادية + التحميرة و ابزار والربيع والثوم




ويسلق الجزر ويقطع حسب الرغبة ويضاف الى الصوص 






تغلى السباكيتي في ماء مملح ومضاف اليه زيت الزيتون 7 دقائق وتصفى وتدهن بالزبدة


وتزال الصوص وتوضع في وعاء اخر وتوضع الكفتة في نفس المقلاة بدون غسلها + الربيع والعطرية وتترك تطهى


تقسم الصوص الى زوج ونصف الاول تدهن به السباكيتي اما النصف التاني ف تزين به 




وبالصحة 









*******    *********        *********       **********       ************

بطريقة ثانية



سلق السباكيتي ف ماء مملح مع قليل زيت الزيتون
ودرت قلييل من صوص تاع مطييشة لي فيه 
مطييشة محكووكة والربيييع والعطرية والزيييت وخليت الكل يطيييب
وخديييت كرياات الكفتة وقلييتهم كما يمكن تدار مع الصوص بلا قلي لي مبغاش الزيت 
وملي طابت السباكيتي صفييتها مزيان ودهنتها بالزبدة و دهنتها ب الصوووص تاع مطيييشة 
وزينت بهكا وانتم حسب الاختيار






*******       **********              ************               ***************




سباكيتي بالكفتة ساهلة وبنييينة


بطريقة الأخت "اللهم انصرني"



نحتاج ل 
4 مطيشات محكوكين 
3فصوص توم محكوكين 
زيت بلدية
ضامة البنة بقري
قليل من الملح
بزار
راس معلقة كمون 
وخرقوم بلدي
صلة او مطيشة الحك 
كفتة
تحميرة
معدنوس والحبق

نشحر التومة مع الزيت تم نضيف ليهم المطيشة نشحرهم
من بعد نضيف التوابل والكفتة 
ونخليهم يطيبو ونضيف لهم ضامة البنة ومعلقة صغيرة زبدة
والصلة او مطيشة الحك ونخليهم يطيبو 
نخليكم مع الصور

























*********      *********             **********           **************     **********


بطريقة أخرى


اولا الصوص

كناخدو 4 حبات طماطم نفلحوهم من لور على شكل + 



نعملوهم فالماء حتى تطلع عليهم الغلية



نزولوهم نيحدو ليهم القشرة و نطحنوهم بوحدهم



نزيدو عليهم 2 معالق طماطم مركزة + القزبر و معدنوس + الزعتر + ملح +ابزار

+خرقوم+ 2 وريقات سيدنا موسى + فصوص توم انا تنخليهم صاينين ونرجع نحيدهم



وناخدو 400 غ كفتة نديرو ليها شوية الملح و الكمون و الابزار و نبداو ونكورو و نسقطوها فلاصوص



ونخلو الكل يطيب مزيان

ناخدو طنجرة نديرو فيها الماء ومعلقة الزيت و الملح و ملي تغلي نديرو فيها سباكيتي و نخلوها طيب

نكون موجدين فرماج محكوك


و نقدموها بطريقا اللي تعجبنا 






ليست هناك تعليقات:

إرسال تعليق