2 اشكال من الميل فاي مع طريقتي فالتزيين بالفوندون

حبيبات هاني جيت ليكم اليوم ب 2 الاشكال
ديال الميل فاي وحدة بالشكلاط والثانية عادية
اوا نخليكم مع المقادير

الميل فاي بالشكلاط

مقادير العجين المورق:


العجينة:
 500غ دقيق + شوية الملح + الماء بارد للعجن (تدلك جيدا مثل اي عجين غير متكونش مرخوفة هادي طريقة ديال المخبزات)
250غ ماركرين

الطريقة :
راها معروفة غير انا في الاول كنطويها على 4 حيت كتكون طويلة او من بعد نبقى نطويها غير على 3 لمدة 3 او 4 مرات نتاع التوراق ماتحتاجوش تدخلوها الثلاجة كل مرة
المرة الاخيرة نطويوها وندخلوها الثلاجة ترتاح









كريم باتسيير:


نصف لتر حليب
4 ملاعق كبيرة سنيدة
2 ملاعق كبيرة بودرة كريمة باتسيير
50غ شكلاط اسود

الطريقة:

نحرك جميع المقادير وتترك على نار هادئة حتى تعقاد الكريمة
تزال من على النار ويضاف الشكلاط ويحرك ويترك يبرد





نخرج العجين من الثلاجة وتقطع الى 3 قطع متساوية ومقادة من الجوانب
ثم توضع في اللاطة ثم تثقب او يثقل عليها بلاطة اخرى





وتطهى في فرن متوسط وتخرج
ندهن الطبقة الاولى والثانية بالكريما ونغطي بقطعة ثالثة من العجين وتوضع في الثلاجة حتى نحضرو الفوندون







تحضير الفوندون:



250غ سكر صقيل
بياض بيضة بلدية الى مكانش نديرو نصف بياض بيضة رومية حيت البيض البلدي صغير
ملعقة متوسطة عصير الحامض
الكاكاو حسب اللون اللي بغينا

الطريقة :
نخلطو السكر مع بياض البيض والعصير بالملعقة



ثم نطربوه جيدا بالباطور (الى جاكم ثقيل بزاف تقدرو تزيدو الماء او عصير الحامض اللي كيعجبو)



نحتافظو بشوية للتزيين وماتبقى نضيف ليه الكاكاو





نسيت ماوريتكومش ملي طربتو بالطراب
نوضعو بشوية فوق الطبقة الاخيرة ديال العجين ونزينو بالفوندون اللي خليناه طبيعي





وهادا هو شكلها نتمنى تعجبكم وتجربوها على الخصوص






الميل فاي العادية

فالحقيقة كنت درتها شحاااااااال هادي بنفس المقادير والطريقة غير هو خليت الفوندون عادي وزينت بالشكلاط والكريم باتسيير درت ديال الدار ماشي البودرة
هاهوما التصاور 









في رعاية الرحمن