دجاج بالزيتون




الوصفة من اعداد الأخت "اللهم انصرني'

السلام عليكم ورحمة الله وبركاته 

ليوم جبت لكم شهيوة غزالة للي علمتني سر لدتها الوالدة ديالي الله يحفظها ليا 

المقادير

دجاج مرقد في الحامض والملح ومغسول مزيان 
زيتون 
ملح 
بزار 
سكينجبير
خرقوم بلدي
قرفة
تومة مدقوقة
معدنوس مقطع ومن الاحسن قزبر حينت هنا مكيتوفرش عندنا


خلطت جميع هاد العطرية مع ملعقة ديال السمن وزيت بلدية ورومية






ورقدت فيهم الدجاج ليلة كاملة 



من بعد مرقت بحساب للي غيطيب ليا فيه الدجاج انا هنا كان عندي دجاج بلدي 
خليتو تاغلا 
وزدت عليك 2 بصلات كبار مشلظين مزيآآآآن 



كنهز الدجاج وندير تحتو البصلة هادا السر الاول 
حينت الا خلينا البصلة لفوق مغتدوبش لينا في الطياب وتبق بينا 
كنغطي عليه باش يطيب على عافية مهيلة بزززززاف ونخليه يطيب على خاطرو 
مللي نحس بيه قرب يطيب 
من قبل سلقت الزيتون



نهز من المرقة ديال الدجاج ونظيفها لزيتون للي سبق وسلقتو وصفيتو ونخليه يكل طيابو فيها 



وندوز لطنجرة 
وهادا سري التاني 
ناخد 2 معالق كبار عسل كندوزهم فوق الدجاج 



ونخلي الغطاء مهزوز عليه باش تشرب لينا المرقة 
من بعد نهز الدجاج باش نحمرو 
السر 3
ناخد السمن الحار ونضيف ليه قليل من الملون الاصطناعي 


ندهن بيه الدجاج 
وندخلو للفران يتحمر


وها الشهيوة واجدة


تعليقات

المشاركات الشائعة