الاثنين، 7 أكتوبر 2013

كلمار بطريقة زوينة واكيد بنينة





مساءكن سعيد اخواتي نتمنى من الله تكونوا في احسن الاحوال انتوما وافراد عائلتكم 
وصفة اليوم ساهلة ودغيا تتوجد وتتجي بنينة ولدتها منعاودش ليكم  نخليكم مع

 المقادير والطريقة 

بسم الله وعلى بركة الله 




كلمار منقي ومغسول مزيان ومرقد فشوية الحامض 
2 حكاك دانون مسوس او علبة كريم فريش 
معلقة صغيرة كل من الملح والابزار ابيض او العادي حسب الموجود 
شوية الكوزة محكوكة 
معيلقة الزبدة وكاس حليب 
دريس تومة محكوكة رقيقة 




تناخد الكلمار ونقطعوا بلا منوصل للجناب 




تنخلط كل من دانون ملح ابزار كوزة التوم نخلط كلشي مزيان 



نزيد عليهم الكلمار ونخليه تقريبا ساعة مرقد 



ناخد الفرن ندهنوا بالزبدة مزيان 



نعمل الكلمار والخلطة تاعوا 



نزيد الكاس تاع الحليب 



ونشعل عليه يطيب على عافية مهيلة ومرة مرة نقلبوا باش يطيب من جميع الجوانب 

شفتوا القضية ساهلة ولكن نتيجتها اروع 




هاهو حبيباتي الطبق ملي وجد قدمتوا مع شليضات وصوص مطيشة 









ليست هناك تعليقات:

إرسال تعليق