الأحد، 13 أكتوبر 2013

لحم الغنمي بالتفاح معسل : لتقديم لحم العيد الكبير بطريقة مختلفة




اولا شديت الحم قطعتو طريفات بحال اللي غاديا نصايبو قطبان رقدتو فليقامة ابزار ملح سكين جبير خرقوم ربيع مقطع ثوم محكوكة زعفران حر شوية ملون شوية ليقامتي الخاصة باللحم اللي تتبنن الاكل مممم ههه بصلة مشلظة خليتهم باتو فثلاجة فصباح حطيتهم فطاجين خليتهم تقلاو مزيان عاد زدت ليهم شوية زيت العود بصلة شرائح 


غطيت عليهم حتى طابو على نار مهيلة 



من بعد شديت تفاحة نقيتها قطعتها دوائر درتها تفور فلكسكاس شي 5 دقايق هكاك من بعد حطيت دوائر فوق ورق المنيوم دهنتهم بشوية زبدة دخلتهم لفران يشدو راسهم شوية و ينشفو


و شديت تفاحة قطعتها مربعات زدت عليها شوية ماء


سنيدة قرفة فاني م ص كونفتير شوية ماء الزهر درتهم فوق نار مهيلة 


مين بدا يتعسل التفاح زدت عليه شوية زبيب مرطب فلما خليت الكل حتى تعسلو مزيان 


فتزيين حطيت دوائر التفاح فوق كل دائرة معلقة من تفاح المعسل مع زبيب و درت الوسط وريدات ببطاطا

ليست هناك تعليقات:

إرسال تعليق