رغايف صغار مقليين ومعسليين وطريقة التحضير بالصور
السلام عليكم ورحمة الله وبركاته
رغايف صغار مقليين ومعسليين وطريقة التحضير بالصور من أم دعاء
زلافة الدقيق
شوية ملح
معلقة كبيرة الزيت
ماء دافي للعجن
طريقة تحضير رغايف مقليين ومعسلين بالصور
نخلطو
الدقيق مع الزيت وشوية الملح ونعجنو بالماء الدافي ندلكوها مزيان حتى
ترطاب نشكلو منها كرة ندهنوها بشوية الزيت نوضعوها في بلاطو نغطي عليها
ببلاستيك ونخليوها ترتاح مزيان
من
بعد نطلقوها حتى تولي رقيقة نحاولو متتقبش لينا العجينة باش يجيونا رغيفات
منفوخين نطويها على 4 بحال لمسمنة وبين كل طوية وطوية نرشو الزيت
ونغطيو عليها مرة أخرى ونخليوها ترتاح باش دغيا تطلق لينا
من بعد نطلقوها ونقطعوها مربعات صغار بالجرارة كيفما واضح في الصورة
نقليهم في يزيت سخونة
ثم نوضعوهم في صفاية يتسقطرو حتى نساليو
نطفيوهم في العسل الدافي نضيفو ليه شوية ماء الزهر
ثم نرشو فوقهم الزنجلان
و نقدمهم الرغايف بالصحة والراحة
تعليقات
إرسال تعليق