الأربعاء، 9 أبريل، 2014

الزميتة السلاوية سهلة وصحية

الزميتة السلاوية سهلة وصحية
الزميتة السلاوية سهلة وصحية
المقادير :
500g شعير
500g القمح
500g حمص
250g زريعة البطيخ
250g جنجلان
200g إيلان
200 زريعة الكتان
125g لوز + 125g كوكاو
125g كركاع
125g حبوب الصوجا
125g زريعة نوار الشمس
125g زريعة القرع
80g نبق + 80g خروب
1 م ك كروية
1 م ك مسكة حرة
1 م ك نعناع العبدى يابس
1 م ك زريعة الدلاح
1 م ك لويزة
1 م ك مانتا
1 م ك نافع
1 م ك حبة حلاوة
1 م ك زعتر
1 م ك تميجة
1 م ك مرددوش
1 م ص ملحة حية
1 م ص قرفة
1 م ص فليو
1/2 قشرة برتقالة يابسة
1/2 قشرة حامضة يابسة
عسل
ماء مغلى
جنجلان محمر
الطريقة :
تحمر كل الحبوب و الأعشاب تكون يابسة يخلط الكل مع بعض و يطحن جيدا ثم يغربل
( هذه الزميتة غالبا كعملها العيالات الكبار و كيعملون كمية كبيرة كيشرك فيها الجيران
و العائلة و كيديو الحبوب للفران الزنقة يتحمر و من بعد كيجمعه في خينشة مع العشوب
و يدوهم لي الطاحونة ديال الزنقة يتطحن من بعد كيغربلها و يقسموها مع بعضم ) 
كنحتفض بها في سطل مغطي و محكم في مكان جاف و بعيد عن الضوء و الرطوبة
كتبقا أكثر من سنة مكيوقعلها حتى حاجة كتبقى مزيانة وريحتها عاطية
و مين نبغيو نقدمها كنخلطه غير الكمية لي عنستهلك يوم أو يومان 
حيت من كتخلط مخصهاش تتعدى يومان كتخسر
في إناء نعمل كمية لي عنحتاج و كنضيف عليها العسل على حسب الذوق
و نخلطها ثم نضفلها ماء طايب و نجمعها بيه و ردو البال رها
كتشرب الماء يعني نجمعها و نشفو واش باقي خصها نزيدها غير شوية بشوية 

من بعد نكورها مباشرة محدها سخونة باش يشدلنا فيها جنجلان 
نكورها كويرات صغيرة نمرمرها في الجنجلان
و نعملها في كواغط الحلوى و تقدم للفطور مع الشباكية و الحريرة بالصحة و العافية
هذي الزميتة صيحية و لذييييييييذة و منافعها كبيرة كيعملها السلاويين
في رمضان لمزاياها المتعددة مزيانة للكبار و الصغار و كتبقى طول السنة مكتخسرش
أتمنى أن تعجبكم الوصفة و تقومون بتطبيقها

ليست هناك تعليقات:

إرسال تعليق