طريقة عمل خبز التوست في البيت بالخطوات المصورة

  

مقادير خبز التوست 

4 كيسان دقيق الفورص(لعبار بكاس العنبة)

2 معالق كبيرة سكر سنيدة

2 معالق كبيرة زبدة

شوية الملح

1 معلقة كبيرة خميرة الخبز

2 معالق كبير حليب غبرة

كاس حليـب دافيء (لعبار بكاس العنبة)

كاس ماعامرش ماء دافئ(لعبار بكاس العنبة)

 طريقة عمل خبز التوست في البيت بالخطوات المصورة

عملي كل المكونات تعجن مع كاس الحليب وبقاي ضيفي في الماء بالتدريج حتى تحصلي على عجين ليـنة وتكون مدلوكة مزياااان.

غطيه وخليه يخمر ساعة او حسب الجو المهم يتضاعف الحجم ديالو

من بعدما يخمر طلقيه بالمدلك وخلي العلو تقريبا 1 سنتيم

لفيه على نفسو بلا ماتزيري (غير لف خفيف)

من بعد دريه في مول طويل ديال الكيك او المول ديال التوست يكون مذهون بالزبدة ومرشوش بالدقيق مع مراعاة ان يكون الطرف الاخير للعجين تحت

غطيه وخليه يخمر مزيااان حتى يفوت سطح المول

دهني وجه التوست بالحليب ودخليه الفرن يكون مسخن من قبل وخليه حتى يبان ليك تحمر من الجنب عاد شعلي عليه الفوق باش يتحمر

ملي تخرجيه من الفرن دهني وجهو بالزبدة وغطيه بمنديل وخليه حتى يبرد ،عاد قطعيه

وهاهو خبز التوست كيف تيجي ماشاء الله رائع مهوي وخفيف