طاجين الحجل باللوز والزيتون يا سلام على بنة بالصور طبعا

يا سلام على بنة بالصور طبعا

مقادير طاجين الحجل باللوز والزيتون

4 حجلات كل وحدة مقسومة على زوج ومنضفة مزيان

زيت زيتون

بصلة كبيرة مشلضة أو محكوكة و2 بصلات كبار مقطعين شرائح 

معدنوس مقطع

شوية ثوم 
ملعقة صغيرة سمن 

توابل:ملح +إبزار+سكينجبير+قرفة+خرقوم+زعفران+كامون+ملح

لتزيين طاجين الحجل باللوز والزبيب

 زيتون بلا عضم
لوز محمر 

طريقة تحضير طاجين الحجل باللوز والزبيب

تخلط الشرمولة ونشرمل مزيان الحجل ونخليهم يتشحرو شوية 

ونضيف عليهم البصلة ونمرق بالماء غليان ونقفل على طنجرة الضغط ونحسب 45 دقيقة منين تبدا تصفر

( كنمرق بالما غليان حيت الحجل لحمو قاسح شوية ماشي بحال الدجاج ولما طايب كيخليه يطيب مزيان)

منين طاب نحيدو الحجل ونخليو المريقة تختر مزيان 

نرجعو الحجل للطاجين مع المريقة ديالو منزل فوق المقلة الثقيلة على نار مهيلة باش يتلدد بالطاجين ويتشحر مزيان ونزدو عليه الزيتون ونغطيوه

ها الطاجين ديالنا واجد في الاخير نزينوه باللوز محمر 

وبالصحة والعافية