الأربعاء، 14 مايو، 2014

الروز مفور بالدجاج

السلام عليكم ورحمة الله تعالى وبركاته
الروز مفور بالدجا

الروز مفور بالدجاج

المقادير :



دجاجة مقطعة ومغسولة مزيان بالملحة والحامض
زلافة صغيرة خيزو محكوك
زلافة صغيرة لفت محكوك
زلافة صغيرة جلبانة
زلافة صغيرة بصل محكوك مع 3 فصوص ثوم
نصف كأس زيت زيتون وزيت المائدة
قصبر ومعكنوس مقطعين رقاق .
ملعقة صغيرة كل من = كمون - سكينجبير - تحميرة - 
نصف ملعقة صغيرة = إبزار - زعفران ملون 
الملح حسب الذوق 

الطريقة :







نخلط كل المقادير مزيان ونغطيهم ونخليهم يرتاحو في الثلاجة على الأقل 3 ساعات ،





نسلق الروز واحد 3 دقائق ونديره في الكسكاس ونكب عليه الماء بارد ونخليه يستقطر 





نجيب الدجاج نحيده من الخضرة ونضيف الروز على الخضرة ونخلطه مزيان ، ندوق
الملحة إلى كانت ناقصة نزيد شوية 







ندير الماء في البرمة وندير الروز في الكسكاس وندير فوق منه الدجاج ونغطيه ونخليه يطيب على نار مهيلة





ملي يطيب نحيد دجاج ندهنه بشوية الزيت أو الزبدة وندخله للفرن يتحمر 







ندير الروز في الطبسيل وندير فوق منه الدجاج 





وندير شوية اللوز محمر ومهرمش فوق دجاج ونقدمه

بالصحة والعافية 

ليست هناك تعليقات:

إرسال تعليق