فطائر رائعة بحشوتين مختلفتين بالصور
فطائر رائعة بحشوتين مختلفتين
من الاخت بديعةمقادير فطائر رائعة بحشوتين مختلفتين
فطائر بالبصل والكفتة
كفتة البقر (ولكن حتى ديال الديك الرومي كتجي زوينة شحال من مرة عملتها بيه كتعطي نفس النتيجة)
البصلة مشلظة على حساب الكمية اللي عندك ديال الكفتة
ملح واخا ماكيناش في الصورة
بزار
سكنجبير
خرقوم البلدي
القرفة بزيادة شوية
شوية السنيدة
الزيت البلدية والى بغيتي تزيدي شوية من زيت المائدة
شوية الكوزة للامانة انا ماستعملتهاش
في مقلاة على نار نضف الزيت مع البصل والتوابل ونترك الكل يتشحر
ملي تدبال البصلة نضيف ليها الكفتة ونحركها حتى تتفتت وطيب
ملي تقرب طيب نضيف ليها شوية السنيدة ونحركها مدة دقيقة نزولها من فوق النار
هنا ملي وجدات الحشوة نتركوها هلى جنب حتى نحضرو الباقي
فطائر بالبصل واللوز مع البيض
2 بصلات متوسطين مشلظين
50 غ بودرة اللوز
2 بيضات
ملح
سكنجبير
قرفة
زيت الزيتون
رقائق اللوز للتزين
طريقة التحضير
في نفس المقلاة نعمل البصل مع الملح والزيت ونخلي البصلة حتى تتشحر مزيااااااااان
ملي طيح البصل وتقرب الطيب نضيف السكنجبير والقرفة ونحرك شوية
ثم نضيف البيض ونحرك بسرعة
ملي نحرك البيض ويقرب يطيب نزولو من فوق النار ونضيف ليه اللوز بودرة
وها الحشوة وجدات
طريقة تحضير فطائر رائعة بحشوتين مختلفتين
نعجن عجينة الرغايف العادية غير هو مايكون فيها لا خميرة ولا اي شيء من
غير الملح ، دقيق الفورص ودقيق القمح وتعجن بالماء الدافي الى كان الجو
بارد والماء البارد الى كان الجو سخون
كنورق العجين بشوية الزيت الزبدة وتكون كورة كبيرة باش بلاما نكثرو الخدمة
ملي تورق مزيان نجيب قطاعة البيتزا ونحيد الجناب العوجين المهم نحصلو على
مربع كبير بدورو نقطعوه الى مربعات صغيرة ونعمروها بحشوة البيض مع اللوز
وهاكدا حتى نكملو
نفس الشيء مع السيكارات غير هو في بلاصت مانقطع العجين الى مربعات نقطعهم مستطيلات ونعمرهم
ملي نكمل ندهنهم بالبيض مطرب واللي عمرتهم باللوز والبيض نعمل فوقهم لوز ايفيلي
ندخلهم الفرن حتى يتحمرو وملي نخرجهم دوك اللي بالكفتة نزينهم بالسكر صقيل والقرفة
وهاهما فطائر رائعة بحشوتين مختلفتين واجدين
وهاهما فطائر رائعة بحشوتين مختلفتين واجدين
وبالصحة والراحة
تعليقات
إرسال تعليق