الكرص بطريقة سهلة وناجحة جدا بالصور

الكرص بطريقة سهلة وناجحة جدا
من الاخت ام البنات
مقاديرالكرص بطريقة سهلة وناجحة جدا
كاس كبير حليب
بنفس كاس الحليب كنعبرو 3 كيسان و نصف دقيق ونخليوها على جنب
كاس عنبة زيت
كاس عنبة الا ربع سكر
خمارة الحلوى
معلقة كبية خميرة الخبز
معلقة كبيرة نافع مهرمش
2 معالق كبارزنجلان
رشيشة الملح و بيضة للعجين
وبيضة للدهن 




طريقة تحضير الكرص بطريقة سهلة وناجحة جدا
المهم كندفيو الحليب مع النافع غير يدفى ميسخنش مزيان
كنعملوه فمولينكس
ونضيفوا الزيت و البيضة و السكر و الملح و الخميرة بنوعيها
وطحنوه مزيان حتى تشوفوه عطا الرغوة





 فاناء كنعملو 3كيسان الدقيق و نضيفو ليه الزنجلان و الخليط من مولينكس كامل 




غتحصلوا على هاد الشكل دالعجين شوفو كيف مقطع


غتبداي تضيفي نصف كاس دقيق لي بقا حتى تجمع العجينة

لكن كتبق مرخوفة ومتدلكوهاش


جيبو بلاستيكة وعملو فيها العجينة



عملو يديكم فموضع السهم و دلكو باليد الثانية
الامر ساهل و هكدا كتحكمو فالعجين و مكتمرتوش
والافضل انكم مرة مرة تخبطوالعجينة يعني تهزوها للفوق و تخبطوها فوق مكان العجن


عملوها فكوكوت تخمر وفتحوا البلاستيكة باش تلقى العجينة فين تزيد 
نعملو كويرات ونخليوهم ترتاحو شوية من بعد  ندهنوها ونرشوها بالزنجلان وندخلوهم لفران على درجة متوسطة حسب الفرن
وهاهو الكرص بطريقة سهلة وناجحة جدا 

بالصحة والراحة

تعليقات

المشاركات الشائعة