عجينة اللبن السحرية رووووعة

اللي جرباتها أمانة عليها تدعي معى صاحبة الوصفة وردة

عجينة اللبن السحرية لكل المعجنات

المقادير:

المرحلة الأولى:


نصف كاس دقيق الفورص
كاس لبن
2 معالق كبار سنيدة
1 معلقة كبيرة خميرة فورية


المرحلة التانية:

ربع كاس زيت
ملح

المرحلة الثالتة:

5 غرام (نصف ملعقة صغيرة) خميرة كيماوية
الدقيق حسب الخليط


الطريقة:

فالأول ناخدو كاس اللبن و ندفيوه شوية
فزلافة العجانة نغربل نصف كاس دقيق و نزيد عليه الخميرة الفورية و سنيدة و اللبن دافي و أنا كنخلط مزيان بالطراب اليدوي
نغطي الزلافة ببلاستيك غدائي و نخليها فمكان دافي لمدة نصف ساعة

و الصورة كتبين كيفاش الخميرة تفاعلات و هدا سر نجاح العجينة

فالمرحلة التانية نزيد الزيت و الملح و نخلط

و من بعد نزيد الخميرة الكيماوية و الدقيق حتى تجمع العجينة و خاصها تكون مرخوفة شوية
ندلكها مزيان

ندلكها مزيان
و نكورها و نخليها تخمر مرة أخرى لمدة نصف ساعة

من بعد مدة التخمير ها العجينة ديالنا جاهزة للإستعمال لكل أنواع المعجنات و صدقوني كتجي رطبة بحال القطن و النتيجة غادي تعجبكم أنا متأكدة غير جربوها على ضمانتي و إن شاء الله ما غتبقاو تستغناو عليها

اللهم أدمها نعمة و بارك لنا فيها و احفظها من الزوال